காலை நிலா
இரவு சூரியன்
இயற்கையின் ஆச்சர்யம்
எங்கள் வீட்டு அதிசயம்
எங்கள் வீட்டு அதிசயம்
சுடாத வெளிச்சம்
நடுங்காத குளிர்
வானத்து முகில்
முகில் தெளிக்கும் மழை
மழை நனைக்கும் நிலம்
நிலத்து நந்தவனம்
நந்தவன தென்றல்
தென்றலின் தீண்டல்
விரிவாக சொன்னாலும்
நடமாடும் ஐம்பூதம்
பொக்கை வாய் சிரிப்பு
எட்டிப் பார்க்கும் பற்கள்
பொய் பேசாத நா
சாயம் பூசாத இதழ்
வஞ்சம் இல்லாத கண்
ஜப்பானிய மூக்கு
வடஇந்திய தமிழ்
தடுமாறும் நடை
நிறைவான எடை
இல்லாத இடை
தேவதையாய் உடை
கால் நூற்றாண்டு கனவு
வருத்தாத நினைவு
ஒறுத்தாத உறவு
அடிக்கடி மாறாத
என் மின்னஞ்சலின்
தற்போதைய திறவுசொல்
 |
| நானும் வந்துட்டேன் |
 |
| mindla வச்சிருக்கேன் |
 |
| ஏன் இப்படி |
 |
| செல்லமே |
No comments:
Post a Comment