மகள்

          சேட்டை செய்தே
          கோபிக்க  வைப்பாள்,
          அவளை சேட்டை செய்யாமல்
          இருக்க,
          கோபித்து கொள்வாள்.

          என் தாயை
          பெயர் சொல்லி அழைப்பாள்
          என் தந்தைக்கும்
          தாயாய்
          முடி வருடி கொடுப்பாள்
       
           மைதானம் சென்று
          விளையாட அழைப்பாள்,
          விளையாடி தளர்ந்தால்
          தாயாய்
          வியர்வை துடைப்பாள்.

         அளவின்றி அன்பை
         திரும்ப தருவாள்,
         என் மேல்
         என் தந்தை அன்பை
         அளந்து புரிய வைப்பாள்
                 
          பூச்சாண்டி கதைகள்
          சொல்வாள்,
          பூச்செண்டாய் அடுக்கடுக்கி
          கற்பனைகள் சேர்ப்பாள்.

          அழாமல்  பள்ளி செல்லும்
          வித்தை கற்கிறாள்
           எனினும்
          அழுதே சாதிக்கும் வித்தையை
           மறக்க மறுக்கிறாள்

           சோற்றை வாயில் திணிக்கும்
           தன்  தாயிடம்
           "எம்மா ,என்ன ஏன் தான்
            இந்த பாடு படுத்றாங்களோ ?"
            என்பாள்,
         
            சோறு திங்க
            தங்கை மறுத்தால்
            உணவை வாயின்
            உள்ளே தள்ள முனைவாள்.

            கடவுளுக்கும் 'good bye'
            சொல்வாள் ,
            அவர் சொல்ல மறுக்க
            'bad boy' என்பாள்.

  

காட்டாத காதல்

எது தான் காதல்

இதுவரை தெளிவில்லை

இருந்தாலும் உன் முகம்

அடிக்கடி குழப்புகிறது.

Cocaine உண்டால் தான்

Adrenaline அதிகம் சுரக்கும்

உன் பளிங்கு முகம் பார்த்தாலே 

சுரப்பதாய் எனக்கிருக்கும்.

பொத்தி வைத்த போதை நீ

பொங்கி வந்தாய் பாதையில் நீ.

(மன்னிக்க. பொங்கி வரும் Beer Bottle நீ!)

கண்டதும் காதல்
சத்தியம் சாத்தியம்
விஞ்ஞானமே சொன்னாலும்,
தெளிவாய்க் குழம்பும்.
காந்த 'கண்'ணகி நீ
தினம் தினம் என்னை
ஏங்க வைக்கும் தீ.

கட்டாயக் கேள்விக்குக்  கூட
பரிட்சையில் பதில் இல்லை
உன் கார்கூந்தல் நினைத்தாலே
பக்கம் பக்கமாய் மை தீரும்.

அதிகமாகும் கவிஞர்களின்
கரையாத கருப்பொருள் நீ.

சுட்டெரிக்கும் சூரியன் கண்டால்
சினங்கொண்ட உன் பார்வை புரியும்
நிறுத்தாமல் மழை வந்தால்
நில்லாத உன் பேச்சாய் தெரியும்.

காதல் கவிதை படித்தால்
உன் முகம் வந்து போகும்

என் மகளின் கொலுசு ஒலி

உன் சிரிப்பை சொல்லி செல்லும்.

சில சில குறுந்தகவல்கள் (SMS)

உன் சிணுங்கல் சத்தம் சொல்லும்

பல பல கனவுகளில்

உன் நினைவுகள் நிறைவு தரும்.

இது என் காதலென்று
சொல்லாததின் சௌகர்யம் தெரியும்.

சொல்லி நீ மறுத்தால்

நினைவுகள் செத்து மடியும்.

பயத்துடன் உன் நண்பன்

mansion இல் இருந்தாலும்

மாளிகையாய் வாழ்ந்தோமே

உணவுக்கே வழியில்லை

'தம்'முக்கு தடையில்லை

ஒரு 'தம்'மில் பல நாட்கள்

உணவாக உண்டோமே

வேலையோடு வரும் நண்பன்

தருவானே முழு இன்பம்

குவாட்டரும் கும்மாளமுமாய்

மறந்திடுமா உனக்கு மட்டும்? 

வேலையில்லா பட்டதாரிக்கு

உதவித்தொகை வழங்கியது

பெட்டிக்கடை பாய் தானே

வறட்சிக் காரணமாய்

வாரா நம் கடன்களை

தள்ளுபடி செய்த

வள்ளலும் அவர் தானே

அருகிலிருந்த திருமண மண்டபம்

அழைக்காத வீட்டிற்க்கும்

அன்போடு (மட்டும்) போவோமே

"யாதும் ஊரே,யாவரும் கேளிர்"

புரிந்தவர் நீயும் நானும்.

அக்காவின் திருமணத்திற்கு 

பக்காவாய் புறப்படுவோம்

பல வாரம் முன்னாலே

பேருந்தின் பின் சீட்டில்

விமானத்தில் பறக்க முடிந்தும்

நேரமில்லை என்பேனே

இன்று உன் மின்னஞ்சல் 

அழைப்பு பார்த்தும்    

சென்னை தமிழில்

செழுமையான உரிமையுடன்

கோபித்தோம்  நாம் அன்று

"Hey Buddy" என்றாலும்

உயிரில்லை பேச்சில் இன்று

அன்று

பாக்கெட்டில் பணமில்லை

இருந்தும் பயமில்லை

இன்று

நேரமும் நேர்மையும்
நெருங்கவே முடியாத
பல மடங்கு கடமையுண்டு

பக்கெட் நிறைய பணமுண்டு

மொத்தத்தில் பயமுண்டு.

what is காதல்?

என் காதல் என் காதல்

என்றே நான் சொன்னாலும்
அது நம் காதல் தானே
நண்பா.

நீ இல்லாமல் 

எனக்கேது காதல்?

காதலியை மட்டுமல்ல
காதலையும் சேர்த்தே
எனக்கு அறிமுகம் செய்தவன்
நீதானே?

"கிட்டத்து பார்வை" பாவை அவள்,

முதல் பெஞ்சின் நெருங்கிய தோழி.  

எங்கோ தூரத்தில் "மாப்பிளை பெஞ்சில்"  

உன்னோடு நான்.

திரும்பும் அவள் 

தன் தோளைப் பார்த்தாலும்

தோழியைப் பார்த்தாலும்

அவள் தன் கூந்தலின்

பொடுகையே பார்த்தாலும் 

"மச்சான்,உன்ன பார்க்றாடா அவ"

என்று அசராமல் சொல்வாயே.

பொய்யாக இருந்தாலும்
சௌகர்யமாய் இருந்தது
பிடிக்கவும் செய்ததே.

என்னிடம் அவள் பேசும்போது

வெட்கப்பட்டாள் என்றாய்.

"நாணம் பெண்ணின் முதல் மொழி" என்று 

நீ கவிஞன் ஆனாய். 

நான் அவள் ரசிகன் ஆனேன். 

"உன்ன follow பண்றா மச்சா"

நீ சொன்ன போது

தெரியாமல் போனதே

நான் நின்றது

வகுப்பறை வாசல் என்று.

என் காதல் என் காதல்

என்றே நான் சொன்னாலும்
அது நம் காதல் தானே
நண்பா.

நீ இல்லாமல் 

எனக்கேது காதல்?

ஓரிரு நாட்கள்

ஒரே நிறத்தில்

அவளும் உடை அணிய

"சத்தியமா சொல்றேன்,தெய்வீக காதல்"என்றாய்.      

காற்றில் மிதந்தேன்
ஆக்சிஜன் குறைவதும்  புரியாமல்.

அவளின் முகம்
என் கணினியின் முகமாக்கி

"Romantic Look da"

நீ தான் சொன்னாய்.

முழித்திருக்க கூடாதா?
முட்டாள் நான்.

சரி,தெளிவான அறிகுறிகள்,

இது தான் காதல் என்று
அவளிடம் சொன்ன போது

எது தான் காதலென்று

அவளும் சொல்லவில்லை

இருந்தாலும்

கேவலமாய் சொன்னாளே
அதுக்கூட மறந்ததடா

"மச்சான்,
Shift + Del, சிம்பிள்டா"

நீ சொன்னது மறக்காது.

என் காதல் என் காதல்

என்றே நான் சொன்னாலும்
அது நம் காதல் தானே
நண்பா.

நீ இல்லாமல் 

எனக்கேது காதல்?

மகள்

காலை நிலா

இரவு சூரியன்

இயற்கையின் ஆச்சர்யம்
எங்கள் வீட்டு அதிசயம்

சுடாத வெளிச்சம் 

நடுங்காத குளிர்

வானத்து முகில்

முகில் தெளிக்கும் மழை

மழை நனைக்கும் நிலம் 

நிலத்து நந்தவனம்

நந்தவன தென்றல்

தென்றலின் தீண்டல்

விரிவாக சொன்னாலும் 

நடமாடும் ஐம்பூதம்

பொக்கை வாய் சிரிப்பு

எட்டிப் பார்க்கும் பற்கள்

பொய் பேசாத நா

சாயம் பூசாத இதழ்

வஞ்சம் இல்லாத கண்

ஜப்பானிய மூக்கு

வடஇந்திய தமிழ் 

தடுமாறும் நடை

நிறைவான எடை

இல்லாத இடை

தேவதையாய் உடை

கால் நூற்றாண்டு கனவு

வருத்தாத நினைவு

ஒறுத்தாத உறவு

அடிக்கடி மாறாத  

என் மின்னஞ்சலின்

தற்போதைய திறவுசொல்

நானும் வந்துட்டேன் 

mindla வச்சிருக்கேன் 

ஏன் இப்படி

செல்லமே

அண்ணா

என் தந்தை விந்திட்ட,

எனக்கு முன்னரே 

மண் பார்த்த

மூத்த விதைகள் 

என் தாயின்

தொப்புள் கொடியின்

முதல் வரிசை மலர்கள்

பத்து மாதம் வாடகையின்றி

நான் இருந்த வீட்டின் 

மூத்த குடிகள் 

தாய்ப்பாலை நானும் குடிக்க 

மிச்சம் வைத்த நல்லவர்கள் 

பண்டம் தின்ன 

சண்டை வந்தாலும்

கடைக்குட்டி என் பங்கை

குறைக்க முயலாதவர்கள்

முடியாதவர்கள்

நண்பர்கள் நான் தேட

வாய்ப்பு தராத நண்பர்கள் 

அண்ணன் என்று நான் 

அழைக்காத போதும்

படைக்கு அஞ்சாதவர்கள்,

என் தமயன்கள்.

அவள்

அன்பின் அகரம்

அடக்கத்தின் உயரம்

"மிச்ச(ம்)"த்தில் உச்சம்
அச்சத்தில் துச்சம்

கடவுளின் அடியாள்
கணவனுக்கும் அடியாள்

மகளின்றி வருந்தியவள்
வருத்தத்தில் மெலிந்தவள்

பேத்தியை தோழியாக்கியவள்
தோழியே வாழ்வாக்குபவள்

தோற்க பழகியவள்
தோற்றே வென்றவள்

அவரின் அடையாளம்

கறுப்பு தோல்

வெள்ளை வேட்டி 

சுருண்ட முடி

முறுக்கிய மீசை

கதரில் உடை

கம்பீரமாய் நடை 

1960's Royal Enfield

கொஞ்சம் கோபம்

மிஞ்சும் பாசம்

பல சமயம் "ஆணை"யர்

புரிய வைத்தால் ஊழியர்

தோற்க கற்றவள்

கிடைத்ததை விரும்பக் கற்றவள் 

விரும்பியது கிடைத்தால் 

அவள் உள்ளத்து உணர்வு? 

புரிந்தது இன்று . 

"அப்பம்மா" என்றே

அழைத்த பேத்தியை

அன்புடன் அள்ளிய என் 

அம்மாவைக் கண்டதும்.

  

வறுமை

உண்ணாவிரதம் உடலுக்கு  நல்லது - 

செய்தித்தாள்  படிக்கிறாள் மாடி வீட்டு சிறுமி .....

நான் தினமும் இருக்கிறேன் -

இது தாள் பொறுக்கும் சிறுமி

பூவே எனக்காக

சுகமாகத்தான் இருந்தேன்
என்னடி சூழ்ச்சி செய்தாய்
சுற்றும் உன் விழியில் எனை வீழ்த்த
காந்த சக்தி கலாமே கற்று கொடுத்தாலும்
உணர்ந்திருக்க மாட்டேன் ..
உன் கண்களில் கண்டுகொண்டேன்
காந்தமடி உன் கண்கள்
தூக்கத்தை பறித்து துக்கத்தை தந்தவளே
பூ தன் வாசம் அறியாது
செடி பூவை கொண்டாடாது
பூவின் புனிதம் அது சேரும் இடம்
உனக்கு புரிந்திருந்தால்
அது போதும்

அன்னையர் தினம்

அடுத்த தலைமுறை ஆனந்தமாய்க் கொண்டாடும்
அமெரிக்காவிலிருந்து வாழ்த்துக்கள் சொல்லும்
முதியோர் இல்லங்களில் " Get Together"கள் கூடும் .

நண்பா

இதை தான் சாப்பிடனும்- அம்மா தீர்மானித்தாள்
இது தான் சீருடை - பள்ளிக்கூடம் பணித்தது
இந்தக் கல்லூரி  தான் உனக்கு-அப்பா அறிவுறுத்தினார்
இவர்கள் தான் கடவுள்-சமூகம் நிர்பந்திக்கிறது
சிந்திக்கிறேன் .....
எதை நானே முடிவு செய்தேன்?
நினைவில் வந்தது நீ .

கறுப்பு- உன் இதயம்

அன்று
கறுப்பு உனக்கு பிடிக்கும் என்றாய் ...
என் வீட்டு வெள்ளை நாய்க்குட்டியை
"Blacky" என்ற பெயரில் அழைக்கிறேன்
காகத்தின் குரல் கீதம் என்கிறேன்
கமல் அஜித் படங்களை விட
ரஜினி விஷால் படங்களையே பார்க்கிறேன்
கறுப்பு சட்டை அணிந்து நடக்கிறேன்
சபரி மலை தொடர்ந்து செல்கிறேன்
அமெரிக்காவின் சிறந்த அதிபர்
Barack Obama என்கிறேன் ...
ஆனால்
இன்று தான் தெரிந்தது
எல்லா நிறங்களையும் உள்ளடக்கி
எதையும் பிரதிபலிக்காத நிறம் கறுப்பு என்று
எல்லா உணர்வுகள் இருந்த போதும்
காதலை வெளிப்படுத்தாத உன் இதயம் போல

நினைவுகள்

பூ வாசம் -உன் நினைவுகள் என்பதால்
நறுமண திரவங்கள் உபயோகம் நிறுத்தியிருக்கிறேன்
உன்னை மட்டுமே நினைத்து நடக்கிறேன்

அலமாறிக்குள் பூந்தோட்டம்

அலமாறிக்குள் அடுக்கி வைக்கப்பட்டிருக்கும்
உன் வண்ணப் புகைப்படங்கள் ----
என் வீடடிலும் பூந்தோட்டம் ..

காரணம் நீயடி

ஒவ்வொரு நாளும்
சூரியன் சோகத்தில் சுட்டு எரிக்கிறது
இன்றி
வானம் கோபத்தில் இடியாய் முழங்குகிறது
மேகம் மழையாய் கண்ணீர் சொட்டுகிறது
இத்தனைக்கும் காரணம் நீயடி
இன்றாவது குடையின்றி சாலையில் நட
உன் அழகு முகம் காட்டு